एजेन्सी । सेनेगलका फरवार्ड साडियो माने अफ्रिकाको उत्कृष्ट फुटबल खेलाडी घोषित भएका छन् ।
कन्फेडेरेसन अफ अफ्रिकी फुटबल (काफ)द्वारा बिहीबार राति मोरोक्कोमा आयोजित कार्यक्रमम मानेले अफ्रिकन फुटबलर अफ द इयर अवार्ड जितेका हुन् ।
मोरक्कोको राजधानीमा आयोजित विशेष कार्यक्रममा मानेलाई अवार्ड प्रदान गरिएको हो । ३० वर्षीय मानेले सेनेगलकै गोलकिपर एडुवार्ड मेन्डी र इजिप्टका मोहमद सालाहलाई पछि पार्दै अवार्ड जितेका हुन् ।
नयाँ सिजन अघि इंग्लिस क्लब लिभरपुलबाट जर्मन क्लब बायर्न म्युनिख पुगेका मानेले दोस्रो पटक यस अवार्ड जितेका हुन् । उनले २०१९ मा पनि यस अवार्ड जितेका थिए ।
उनकै कप्तानीमा सेनेगलले अफ्रिकन कप अफ नेसन्सको उपाधि जित्न सफल भएको थियो ।
