एजेन्सी । भारतको ट्वीन टावरका रुपमा परिचित नोएडाका २ वटा विशाल भवन भत्काइएको छ । नोएडाको सेक्टर ९३ एको सुपरटेक टावरलाई सर्वोच्च अदालतको आदेशपछि भत्काइएको हो ।
१०० मिटरभन्दा अग्लो दुवै टावर ध्वस्त हुन करिब नौ सेकेण्ड मात्र लागेको छ । बिहान ७ बजे आसपासको सोसाइटीमा बसोबास गर्ने करिब ७ हजार मानिसलाई विष्फोट जोनबाट हटाइएको थियो । नेपाली समायानुसार २ः४८ बजे भवन भत्काइएको हो ।
विस्फोट हुँदा भवन भग्नावशेषमा परिणत भएको छ । कुतुबमिनारबाट ट्वीन टावरबाट ठ्याक्कै ९ मिटर टाढा छ । यहाँ ६५० फ्ल्याटमा लगभग २५०० मानिसहरू बस्छन् । यहाँका जनता सबैभन्दा बढी पीडित छन् ।
ट्विन टावर भत्काउने जिम्मा एडिफिस नामको कम्पनीले पाएको थियो । आयोजना प्रबन्धक मयुर मेहताको निगरानीमा यो काम भइरहेको छ । भवनमा ३ हजार ७ सय केजी बारूद भरिएको थियो । पिलरहरुमा लामो प्वालहरू बनाई बारूदले भरिएको थियो ।
३१ अगस्त २०२१ मा, सर्वोच्च अदालतले नोएडा सेक्टर ९३ ए मा निर्मित ट्विन टावरहलाई गैरकानूनी घोषित गर्दै भत्काउने आदेश दिएको थियो । ट्विन टावर छेउमा रहेको सोसाइटीका आरडब्लुएले ती टावरहरु अवैध रुपमा निर्माण भएको भन्दै अदालतमा उजुरी दिएका थिए ।
तस्बिरमा ध्वस्त हुनुभन्दा अघिको भवन
