एजेन्सी । अभिनेता तथा चलचित्र समीक्षक कमल राशिद खान(केआरके)लाई प्रहरीले पक्राउ गरेको छ । दुई वर्ष पुरानो एउटा मुद्दामा मुम्बई प्रहरीले उनी पक्राउ परेका हुन् । यो कारबाही २०२० को एक विवादास्पद ट्वीटमा गरिएको हो ।
स्रोतका अनुसार उनलाई मंगलबार बोरिवली अदालतमा पेश गरिने छ । कमललाई मुम्बई एयरपोर्टबाट पक्राउ गरी सोधपुछपछि पक्राउ गरिएको थियो । कमल दुई वर्षपछि मुम्बई फर्किएका छन् ।
कमलमाथि, २०२० मा, युवा सेनाको कोर कमिटीले मलाड पुलिस स्टेशनमा एफआईआर दर्ता गरेको थियो । कमिटी सदस्य राहुल कनालले कमलले दिवंगत अभिनेता इरफान खान र ऋषि कपुरको बारेमा आपत्तिजनक ट्वीट गरेको आरोप लगाएका छन् ।
यस मामिलामा प्रहरीले कमल विरुद्ध धारा २९४ अन्तर्गत मुद्दा दर्ता गरेको थियो ।
केआरकेले २०२० मा इरफान खान (२९ अप्रिल) र ऋषि कपूर (३० अप्रिल)को निधनपछि ट्वीट गरेका थिए । उनले लेखेका छन्, ‘मैले केही दिन अगाडि भनेका थिएँ कि जबसम्म केही चर्चित व्यक्तिहरुलाई साथमा नलिने कोरोना हट्दैन ।
त्यसपछि मानिसहरूले मलाई गाली गर्नेछन् भनेर मैले नाम लेखिन, तर ऋषि र इरफान जानेछन् भन्ने मलाई पहिल्यै थाहा थियो । मलाई अर्को नम्बर कसको आउँदैछ भनेर पनि थाहा छ ।’
