एजेन्सी । अक्षय कुमारको आगामी फिल्म ‘राम सेतु’को ट्रेलर सार्वजनिक भएको छ ।
फिल्मको ट्रेलर एक्सन, थ्रिलर र रोमान्सले भरिपूर्ण छ । यस फिल्ममा अक्षयसँगै ज्याकलिन फर्नान्डिज र नुसरत भरुचा पनि देखिनेछन् ।
फिल्म एक पुरातत्वविद्को बारेमा बनेको छ जसलाई राम सेतु वास्तविक हो वा काल्पनिक हो भन्ने अनुसन्धानको जिम्मेवारी दिइएको छ ।
रामायणको कथा अनुसार भारत र श्रीलंकाको बिचमा भगवान श्रीरामको सेनाले राम सेतु बनाएको थियो र सोही राम सेतु पुललाई बचाउने अभियानको बारेमा यो फिल्म बनेको छ ।
अभिषेक शर्माको निर्देशनमा बनेको यो फिल्म २५ अक्टुबरमा रिलिज हुँदैछ ।
