काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ‘नो नट एगेन’ का नाममा दलहरुप्रति विस्तृणा फैलाउने काम भएको टिप्पणी गरेका छन् ।
माओवादी गोरखा-काठमाडौं सम्पर्क मञ्चको प्रशिक्षण कार्यक्रमलाई सम्बोधन गर्दै उनले ‘नो नट एगेन’ले युगान्तकारी परिवर्तन ल्याउने शक्तिहरुलाई अपमानित गराउने प्रयास भईरहेको बताएका हुन् ।
प्रचण्डले आर्थिक क्रान्तिको मार्ग तय गर्दै समाजवादको यात्रासम्म पुग्नुपर्नेमा जोड दिएका छन् । उनले भने, ‘गणतन्त्र आएर पनि केही भएको छैन भनेर एकथरी मान्छेहरुले धमिलो पानीमा माछा मार्ने गरिकन नो नट एगेन भन्याजस्ता प्रचार गरिरहेका छन् । दलहरुप्रति वितृष्णा फैलाउने कोसिस, यो युगान्तकारी परिवर्तन ल्याउने शक्तिहरुलाई अपमानित गराउने प्रयास, जो भइरहेका छन् । त्यसको मुलमा चाहीँ हामीले नै आफैंभित्र हेर्नुपर्छ भन्ने मलाई लाग्छ ।’
‘नो नट अगेन’ले सामाजिक सञ्जालमार्फत निरन्तर सत्तामा पुगिरहेका नेताहरुलाई आगामी निर्वाचनमा भोट नदिन आग्रह गर्दै आफ्नो प्रचार गरिरहेको छ ।
