मुम्बई । बलिउडका चर्चित अभिनेत्री शिल्पा शेट्टीका पति तथा बिजनेशम्यान राज कुन्द्रा अश्लिल फिल्म बनाएको आरोपमा पक्राउ परेका छन् । हिजो (सोमबार) राती मुम्बई पुलिसको क्राइम ब्रान्चले उनलाई पक्राउ गरेको हो ।
अश्लिल फिल्म (पोर्न फिल्म) बनाएर ऐप मार्फत रिलिज गरेको उनलाई आरोप लागेको छ ।
यसै बर्ष फेब्रुअरीमा उनीबिरुद्ध अश्लिल फिल्म बनाएको र एप मार्फत रिलिज गरेको उजुरी दर्ता भएको थियो । यसै मामिलामा राज कुन्द्रा मुख्य आरोपीको रुपमा पक्राउ परेका हुन् । मेडिकल परिक्षणपछि राज कुन्द्रालाई आज मंगलबार कोटमा पेस गरिनेछ । पुलिसले बिभिन्न ठाउँमा छापा मारेर यस मामिलामा पहिले नै ४ व्यक्ती पक्राउ गरिसकेको छ ।
