काठमाडौं । नेपाल वायुसेवा निगमको रणनीतिक सुधारका लागि भइहेका कार्यहरुको सम्बन्धमा विभिन्न क्षेत्रबाट भ्रमपूर्ण सूचना सम्प्रषण भइरहेको भन्दै संस्कृति, पर्यटन तथा नागरिक उड्डयन मन्त्रालयले ध्यानाकर्षण गराएको छ ।
मन्त्रालयले विज्ञप्ती जारी गर्दै उक्त सम्बन्धमा नेपाल वायुसेवा निगमलाई निजीकरण गर्ने वा निजी कम्पनीमा रुपान्तरण गर्ने हालसम्म कुनै योजना तथा कार्यक्रम नभएको तथा निजीकरणको प्रक्रियाका सम्बन्धमा हालसम्म कुनै छलफल समेत नभएको प्रस्ट पारेको छ ।
