काठमाडौँ । प्रधानमन्त्री पुष्पकमल दाहाल प्रचण्ड र मलेसियाका गृहमन्त्री सैफुदिन नासुसनबीच भेटवार्ता भएको छ ।
तीन दिने भ्रमणमा क्रममा बिहीबार साँझ काठमाडौं आइपुग्नु भएका मलेसियाका गृहमन्त्री नासुसनले प्रधानमन्त्री दाहालसँग भेटवार्ता गर्नुभएको हो ।
भेटका क्रममा मलेसियामा रहेका नेपाली आप्रवासी कामदारको हित संरक्षणलगायत आपसी हितका विषयमा छलफल भएको प्रधानमन्त्रीको सचिवालयले जनाएको छ ।
यसअघि मलेसियाका गृहमन्त्री नासुसनले श्रम, रोजगार तथा सामाजिक सुरक्षामन्त्री डोलप्रसाद अर्यालसँग पनि औपचारिक भेटवार्ता गर्नुभएको थियो ।
