एजेन्सी । इंग्लिस प्रिमियर लिग फुटबल अन्तर्गत लेस्टर सिटीले सानदार जित निकालेको छ । शनिबार राति भएको खेलमा लेस्टरले टोटेनहमलाई ४-१ गोलले पराजित गरेको हो ।
घरेलु मैदानमा लेस्टरलाई जित दिलाउन नाम्प्लेज मेन्डी, जेम्स म्याडिसन, केलेची इहेनाचो र हार्भी बान्र्सले एक एक गोल गरे । टोटेनहमका रोड्रीगो बेन्टान्करले एक गोल फर्काए ।
यो नतिजासँगै २२ खेलबाट २४ अंकसहित लेस्टर तालिकाको १३ औं स्थानमा रहेको छ । २३ खेलबाट ३९ अंकसहित टोटेनहम पाँचौं स्थानमा रहेको छ ।
