दार्चुला । दार्चुलाको नौगाडमा अविरल वर्षासँगै आएको पहिरोमा पुरिएर ज्यान गुमाउनेप्रति नेपाली कांग्रेसका सांसद तथा नेता दिलेन्द्रप्रसाद बडुले दुःख व्यक्त गरेका छन् ।
उनले समवेदना प्रकट गर्दै घाइतेहरुको शिघ्र स्वास्थ्य लाभको कामनाका साथै उनीहरुको उपचार, बेपत्ताहरुको खोजी, उद्दार र राहत कार्यका निम्ती स्थानीय, प्रदेश र संघीय सरकार तत्काल कदम चाल्न ध्यानाकर्षण पनि गराएका छन् ।
यस्तै नेता बडुले कोरोनाबाट बचेर तत्काल उद्धार तथा राहत कार्यमा जुट्न जिल्लाका कांग्रेसका सम्पूर्ण स्थानीय नेता, कार्यकर्ता तथा भातृ संघ(संस्थाहरुलाई आग्रह समेत गरेका छन् ।
नौगाड गाउँपालिका(३ खार नजिकैको चौखुट्टेमा पहिरोले पुरिएर एकै परिवारका दुईसहित तीन जनाको मृत्यु भएको थियो ।
बाढीले नौगाड गाउँपालिका(३ मा रहेको ३२ किलोवाट क्षमताको खार खोला दोस्रो लघु जलविद्युत आयोजना पनि बगाएको छ ।
बाढीले खार र जामिर जोड्ने झोलुङ्गे पुल, तीनवटा निर्माणाधीन आरसीसी पुल, तीन वटा घट्ट र तीन वटा पानीको मुहान पनि बगाएर ठूलो क्षति पुर्याएको छ ।
