काठमाडौं । राष्ट्रिय सभा सदस्य राधेश्याम पासवानले राष्ट्रिय सभामै अनसन बस्ने चेतावनी दिएका छन् ।
बुधबार राष्ट्रिय सभा बैठकको विशेष समयमा बोल्दै सांसद पासवानले जातीय छुवाछुत तथा विभेदको घटनामा रुपा सुनारले न्याय नपाए राष्ट्रिय सभामै अनसन बस्ने चेतावनी दिएका हुन् ।
यस्तै सांसद पासवानले दलित भएकै कारण रुपालाई कोठा भाडामा नदिने घरभेटीलाई छुटाउन सरकारका मन्त्री नै संलग्न हुनु आपत्तिजनक भएको समेत उल्लेख गरे ।
'यो रुपा सुनारको मात्र विषय होइन । समस्या दलितको मुद्दा हो । मन्त्री नै सरकारी गाडी लिएर जान मिल्छ ?' उनले बैठकमा प्रश्न गरे ।
