काठमाडौं । नेकपा एमाले एकताका लागि दुवै पक्षबाट गठित वार्ता टोली कार्यदलको बैठक आज पनि बस्दैछ । आजको बैठक बिहान ८ बजेका लागि तयको बैठक विहान १० बजेलाई सरेको हो ।
बैठक सोमबारबाट सिंहदरबारस्थित अर्थमन्त्रालयमा बस्दै आएको छ । कार्यदलमा पार्टी अध्यक्ष ओली र वरिष्ठ नेता माधव नेपाल सम्मिलित १० सदस्यहरु रहेका छन् । नेकपा एमालेको विवाद समाधान गर्नका लागि गठन भएको कार्यदलको मंगलबारको बैठकले पनि कुनै ठोस निर्णय निकाल्न सकेन । पछिल्लो समय निस्क्रिय कार्यदल सोमबारदेखि सक्रिय भएको भएपनि हालसम्म कुनै ठोस प्रगति हुन सकेको छैन ।
हिजोको बैठकमा एमालेको संगठनात्मक प्रणालीलाई कसरी अगाडी बढाउने र पार्टी भित्र देखिएको समस्यालाई कसरी समाधान गर्ने भन्ने सन्दर्भमा छलफल भएको कार्यदल सदस्य भिम रावलले बताएका हुन् ।
