काठमाडौं । नेकपा एमालेका अध्यक्ष केपी शर्मा ओलीले राष्ट्रपतिमा प्रधानमन्त्री प्रचण्डले कांग्रेसलाई समर्थन नगर्ने दाबी गरेका छन् ।
जन्मदिनका अवसरमा निजी निवास बालकोटमा आयोजित कार्यक्रमपछि संचारकर्मीसँग बोल्दै ओलीले सत्ता गठबन्धन नटुट्ने दाबी गरेका हुन् ।
संचारकर्मीले सोधेका ‘प्रधानमन्त्री प्रचण्डले कांग्रेसलाई समर्थन गर्नुभयो भने गठबन्धन के हुन्छ ?’ भन्ने प्रश्नमा ओलीले भने, ‘उहाँले त्यस्तो गर्दै गर्नुहुन्न । गर्न मिल्दैन । उहाँले हामीसँग पुस १० गते नै सम्झौता गरिसक्नुभएको छ ।’
