काठमाडौँ । नेपाली कांग्रेसबाट राष्ट्रपतिका उम्मेदवार रामचन्द्र पौडेलले राष्ट्रिय स्वतन्त्र पार्टी (रास्वपा)का सभापति रवि लामिछानेसँग भेटवार्ता गरेका छन् ।
पौडेलले राष्ट्रपतिमा उम्मेदवार बनाउने पार्टीको निर्णयसँगै लामिछानेको हात्तिगौंडास्थित निवासमा पुगेर भेट गरेका हुन् ।
भेटमा पौडेलले राष्ट्रपतिमा आफूलाई समर्थन गर्न रास्वपा सभापति लामिछानेलाई आग्रह गरेका छन् । जवाफमा लामिछानेले पार्टीमा छलफल गरेर निर्णय गर्ने जानकारी दिएका छन् ।
नेकपा माओवादी केन्द्रसहितका ८ दलले राष्ट्रपतिमा कांग्रेस उम्मेदवारलाई समर्थन गर्ने सहमति गरिसक्दा रास्वपाले भने आफ्नो निर्णय अहिलेसम्म सार्वजनिक गरेको छैन ।
