काठमाडौं । पूर्वकप्तान सन्दीप लामिछानेमाथिको मुद्दामा सर्वोच्च अदालतको बन्द इजलासमा बहस सुरु भएको छ ।
सन्दीपका वकिलहरूले मुद्दाको सुनुवाइ बन्द इजलासमा हुनुपर्ने माग गरेबमोजिम बन्द इजलासमा बहस सुरु गरिएको हो ।
सर्वोच्चका न्यायाधीशद्वय सपना मल्ल प्रधान र कुमार चुडालको इजलासमा परेको मुद्दामा फैसला हुने सम्भावना देखिएको छ ।
सन्दीपले विदेश जान लगाइएको रोक फुकुवा गरिदिन दिएको निवेदन र उच्च अदालत पाटनको फैसलाविरुद्ध सरकारी पक्षले दिएको पुनरावेदन एकसाथ सुनुवाइ हुने छ ।
लैंगिक हिंसासम्बन्धी मुद्दामा बन्द इजलासमा सुनुवाइ गर्न सकिने प्रावधान छ ।
