काठमाडौँ । यूएईमा जारी आइसिसी विश्वकप क्रिकेट लिग टू अन्तर्गतको त्रिकोणात्मक सिरिजमा नेपालले खराब सुरुवात गरेको छ ।
पपुवा न्युगिनी (पिएनजी)ले दिएको १८० रनको मध्यम लक्ष्य पछ्याएको नेपालले ६ विकेट गुमाएको छ ।
नेपालका ओपनर कुशल भुर्तेल शून्य रनमै आउट हुन पुग्दा, भरोसामा रहेका कप्तान रोहित पौडेल र आरिफ शेखद्वय १ रनमात्रै बनाउँदै पेभिलियन फर्किएपछि नेपाली टोली दबाबमा परेको छ । यस्तै, दिपेन्द्र सिंह ऐरी पनि ८ रन जोड्दै पेभिलियन फर्किएका छन् । १६ बल खेलेका उनी पिएनजीका सेसे बाउको एलबीडब्लुको शिकार भए ।
यस्तै, ३५ बल फेस गरेका भीम सार्की पनि ८ रनमात्रै बनाउँदै आउट हुन पुगे । हाल क्रिजमा आशिफ शेख र कुशल मल्ल रहेका छन् । नेपालले ताजा स्थितीमा २६.३ ओभरमा ६ विकेटको क्षतिमा ७९ रन जोडेको छ ।
