काठमाडौं । सर्वोच्च अदालतले प्रधानमन्त्री एवम् नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई फागुन २५ गते अदालतमा हाजिर हुन आदेश दिएको छ ।
आज मंगलबार प्रधानमन्त्री पुष्पकमल दाहालविरुद्ध सर्वोच्चमा रिट दर्ता भएको थियो । उक्त मुद्दाको पेशी फागुन २५ गतेलाई तोकिएको छ । अधिवक्ता ज्ञानेन्द्रराज आरण र कल्याण बुढाथोकीलगायतले प्रचण्डविरुद्ध रिट दायर गर्नुभएको हो ।
२०७६ माघ १ मा माघीको अवसरमा टुँडिखेलमा आयोजित एक कार्यक्रममा प्रधानमन्त्री दाहालले द्वन्दकालमा मारिएका १७ हजारमध्ये आफूले ५ हजारको मात्रै जिम्मा लिने भन्ने अभिव्यक्ति दिनुभएको थियो । उहाँको त्यही अभिव्यक्ति विरुद्ध फौजदारी अभियोगमा छानबिन र कारबाही हुनुपर्ने आदेशको माग गरिएको छ ।
