काठमाडौं । राष्ट्रपतिका उम्मेदवार सुभाषचन्द्र नेम्वाङले सबै राजनीतिक दलहरू एक जुट भएर एकै ठाउँमा उभिनुपर्ने आवश्यकता रहेको बताएका छन् ।
पत्रकारहरूसँग संक्षिप्त कुरा गर्दै नेम्वाङले आफू सबै जनता र सबै दलहरूको साझा अभिभावकका रूपमा जाने बताए ।
नेम्वाङले देश र जनताका अगाडि ठूलो चुनौती रहेकोले राजनीतिक दलहरू एक जुट हुनुपर्ने बताए । ‘एक सूत्रमा भन्छु, यो देशका सबै राजनीतिक दलहरू एक ठाउँमा उभिनुपर्छ । अहिले देश र जनताका अगाडि साह्रै ठूलो चुनौती छ ।’,उनले भने, ‘सिंगो देश र जनता, अनि सबै राजनीतिक दलहरू एक ठाउँ उभिनुपर्छ ।’
