काठमाडौँ । पूर्वप्रधानमन्त्रीद्वय माधवकुमार नेपाल र झलनाथ खनालले चलचित्र ‘छक्कापञ्जा ४’ हेरेका छन् ।
आइतबार कीर्तिपुरस्थित ‘कीर्तिपुर सिनेप्लेक्स’ पुगेर उनीहरूले राजनीतिक विषयवस्तुमा निर्माण भएको चलचित्र हेरेको चलचित्रका अभिनेता केदार घिमिरे ‘माग्ने बुढा’ले जानकारी दिए ।
दिउँसो साढे १२ बजेको शोमा नेताहरूले आफै टिकट किनेर चलचित्र हेरेका थिए । चलचित्र हेरिसकेपछि नेता नेपाल र खनालले ‘छक्कापञ्जा ४’ मन परेको प्रतिक्रिया दिएका थिए ।
देश तथा विदेशमा प्रदर्शन जारी फिल्मले राम्रो प्रतिक्रिया पाइरहेको छ भने कमाई पनि उत्साहजनक गरेको छ ।
