काठमाडौं । उपप्रधान एवं शहरी विकास मन्त्री राजेन्द्र महतोको हेलिकोप्टरमा उड्दा-उड्दै मन्त्री पद गएको छ । सर्वोच्च अदालतले कामचलाउ सरकारले गरेको मन्त्रिपरिषद विस्तार बदर गरेपछि महतोको मन्त्री पद गएको हो ।
मंगलबार सर्वोच्च अदालतमा प्रधानमन्त्री केपी शर्मा ओलीले पछिल्लो पटक दुई चरणमा गरेको मन्त्रिपरिषद विस्तार संवैधानिक कि असंवैधानिक भनेर बहस चलिरहेका बेला महतो हेलिकोप्टर मार्फत सिन्धुपाल्चोक लाग्नुभएको थियो । हेलिकोप्टरबाट काठमाडौं टेक्न नपाउँदै उहाँको मन्त्री पद गएको हो ।
गत असार १ गतेको मेलम्ची नदीको भीषण बाढीले क्षति पुर्याएको सिन्धुपाल्चोकको मेलम्ची र हेलम्बु क्षेत्रको अवलोकनका लागि मन्त्री महतो साढे १२ बजे सिन्धुपाल्चोकतर्फ जानुभएको थियो ।
