काठमाडौं । प्रतिनिधिसभा विघटनपछि मन्त्री नियुक्त भई पद तथा गोपनीयताको शपथ खाएका उपप्रधानमन्त्री राजेन्द्र महतोसहित २० मन्त्रीको पद गएको छ ।
मन्त्रिपरिषद् विस्तारविरुद्ध सर्वोच्च अदालतले बदर गरिदिएपछि जेठ २१ र २७ गते शपथ खाएका उपप्रधानमन्त्री, मन्त्री र राज्यमन्त्रीले पद गुमाएका हुन् ।
पद गुमानेमा उपप्रधान एवं परराष्ट्र मन्त्री रघुवीर महासेठ, गृहमन्त्री खगराज अधिकारी, स्वास्थ्य मन्त्री शेरबहादुर तामाङ पनि रहेका छन् । अधिकारी जेठ २७ गते गृहमन्त्रीमा नियुक्त भएका थिए ।
प्रधानमन्त्री केपी शर्मा ओली, अर्थमन्त्री विष्णु पौडेल, शिक्षामन्त्री कृष्ण गोपाल श्रेष्ठ, भौतिक पूर्वाधार मन्त्री वसन्त नेम्वाङ र कानून मन्त्री लीलानाथ श्रेष्ठ भने मन्त्रिपरिषदमा यथावत छन् ,
