काठमाडौँ । प्रधानमन्त्री पुष्पकमल दाहाल प्रचण्डले यही जेठ १७ गते भारत भ्रमण हुने करिब निश्चित भएको छ । यही जेठ १५ गते बजेट भाषणलगत्तै उहाँ आफ्नो पहिलो विदेश भ्रमणका क्रममा भारत जान लाग्नुभएको हो ।
जेठ १७ गते प्रचण्डलाई नयाँ दिल्लीमा स्वागत गर्ने विषयमा दुवै पक्षबीच लगभग सहमति भइसकेको बताइएको छ । भ्रमणका क्रममा हुने वार्ता र सम्झौताका मस्यौदाहरू आदानप्रदान भइरहेको समेत बताइएको छ ।
शनिबार एक कार्यक्रममा प्रधानमन्त्री प्रचण्डले आफू चाँडै भारत जाने बताउनुभएको थियो । सो क्रममा उहाँले भारत भ्रमणमा केही रेकर्ड राख्ने तयारी भएको पनि बताउनुभएको थियो ।
