काठमाडौं । सरकारले टिकापुर हत्याकाण्डमा दोषी ठहर भई सजाय भोगिरहेका नागरिक उन्मुक्ति पार्टीका संरक्षक रेशम चौधरीलाई आममाफी दिन राष्ट्रपति रामचन्द्र पौडेल समक्ष सिफारिस गरेको छ ।
सञ्चारमन्त्री रेखा शर्माले मन्त्रिपरिषद् बैठकको निर्णय सुनाउदै चौधरीलगायत कैदीबन्दी जीवन बिताइरहेका व्यक्तिलाई आममाफी र कैद मिनाहा हुने गरी सिफारिस गर्ने जानकारी दिइन् ।
सरकारको सिफारिस अनुसार राष्ट्रपति कार्यालयले निर्णय गरे चौधरी सोमबार गणतन्त्र दिवसका अवसरमा छुट्नेछन् । यसअघि राष्ट्रपति कार्यालयले चौधरीको सजाय माफसम्बन्धि पत्र गृह मन्त्रालयमा फिर्ता गरिदिएको थियो ।
