काठमाडौं । ललितपुर महानगरपालिकाले २५ र २६ गते ६० देखि ६४ वर्ष उमेर समूहका ज्येष्ठ नगरवासीलाई चिनियाँ खोप लगाउने भएको छ । सरकारले यस पटक ६० देखि ६४ वर्ष उमेर समूहका व्यक्तिलाई चिनियाँ खोपको पहिलो डोज लगाउने निर्णय गरेसंगै ललितपुर महानगरपालिकाले पनि आफ्ना नगरवासीलाई खोप दिन लागेको हो ।
महानगरपालिकाका प्रवक्ता राजु महर्जनका अनुसार आफूलाई पायक पर्ने खोप केन्द्रमा गएर मंगलबार र बुधबार खोप लगाउन सकिनेछ ।
महानगरपालिकाले भेरोसेल खोपको दोस्रो डोज लगाइएको खोप केन्द्रमा नै यस पटक पनि खोप केन्द्र सञ्चालन गर्ने भएको प्रवक्ता महर्जनले जानकारी दिए ।
