एजेन्सी । अभिनेत्री रिद्धि डोगरा वेब सिरिज ‘असुर २’ को कारण चर्चामा छिन् । यो सिरिजको पार्ट १ तीन वर्षअघि रिलिज भएको थियो र पहिलो सिजनले जति प्रतिक्रिया पाएको थियो, यसपटक पनि राम्रो प्रतिक्रिया पाउनेमा नायिका ढुक्क छिन् । यो प्रोजेक्ट बाहेक रिद्धि शाहरुख खानको आगामी फिल्म ‘जवान’ मा पनि देखिने भएकी छन् ।
भारतीय सञ्चारमाध्यमसँगको कुराकानीमा फिल्मसँग सम्बन्धित आफ्नो अनुभव साझा गर्दै रिद्धिले भनिन्, ‘मैले यो फिल्मको कुनै अर्को पात्रको लागि अडिसन दिएको थिएँ । एक वर्षपछि टिमबाट फिल्मका निर्देशक तिमीलाई भेट्न चाहन्छन् भन्ने फोन आयो । त्यो दिन मेरो लागि धेरै विशेष थियो किनकि त्यही दिन मेरो हजुरबुवाको जन्मदिन थियो, जो अब यो संसारमा हुनुहुन्न । त्यो दिन म कहिल्यै बिर्सन सक्दिनँ ।’
शाहरुखसँग काम गर्नेबारे अभिनेत्रीले थप भनिन्, ‘शाहरुखसँग सुटिङ गर्नुअघि र उहाँसँग सुटिङ गरेपछि मैले फरक पाएँ । उहाँ एक धेरै नम्र र अविश्वसनीय विनम्र सह–अभिनेता हुनुहुन्छ । उहाँसँग काम गर्ने वातावरण निकै सहज भएको छ ।’
३ वर्षपछि वेब सिरिज ‘असुर २’ को पर्दामा फर्किएको सन्दर्भमा ऋद्धि भन्छिन्, ‘यो सिजनको कथा अघिल्लो सिजनको तुलनामा निकै भव्य छ । यसपटक धेरै कुराहरु हुने गरेको देखिन्छ । २०२० मा लकडाउनका बेला यो शो आउँदा पनि हामीले कसैको बुद्धिको मजाक उडाएनौं । हामी दर्शकहरूको स्मार्टनेसलाई धेरै सम्मान गर्छौं ।’
‘जवान’, ‘असुर २’ बाहेक रिद्धि डोगरा सलमान खानको ‘टाइगर ३’ मा पनि देखिनेछिन् ।
