एजेन्सी । बलिउड चलचित्र ‘प्यार का पंचनामा’की चर्चित अभिनेत्री सोनाली सेगलले आफ्ना लामो समयदेखिका प्रेमी आशिष सजनानीसँग विवाह गरेकी छन् । यो जोडी मुम्बईको गुरुद्वारामा आज वैवाहिक बन्धनमा बाँधिएका हुन् । अभिनेत्रीले आफ्नो सामाजिक सञ्जालमा विवाहका केही तस्बिर शेयर गरेकी छिन् ।
सोसल मिडियामा सोनालीको एउटा भिडियो पनि सार्वजनिक भएको छ, जसमा उनी गुलाबी रंगको साडीमा निकै सुन्दर देखिएकी छिन् । सारीसँगै सोनालीले टाउकोमा दुपट्टा पनि लगाएकी छिन् । यसै क्रममा उनले आफ्नो कुकुरलाई लिएर प्रवेश गरेकी थिइन् ।
सोनल सेगलको बिहेमा टिभी इन्डस्ट्रीका धेरै स्टारहरु सहभागी भएका थिए । मन्दिरा बेदी, रिद्धिमा पण्डित, चाहत खन्ना, सुमोना चक्रवर्ती र टिभी अभिनेता करण वी ग्रोवर पनि आ–आफ्ना श्रीमान्–श्रीमतीका साथ पुगेका छन् । यसबाहेक सोनालीको विवाहमा बलिउड अभिनेता कार्तिक आर्यन पनि पुगेका छन् ।
सोनाली विगत ५ वर्षदेखि आशिष सजनानीसँग सम्बन्धमा थिइन् । तर, उनले यो कुरा गोप्य राखिन् । सोनाली आफ्नो व्यक्तिगत जीवनको बारेमा मानिसहरूलाई थाहा नपरोस् भन्ने चाहन्थिन् । आशिषको कुरा गर्ने हो भने उनी व्यवसायी हुन् र मुम्बईमा उनको धेरै होटल छन् ।
