काठमाडौँ । अभिनेत्री एवं सामाजिक अभियान्ता श्वेता खड्का दम्पतीले एमाले अध्यक्ष केपी शर्मा ओलीलाई भेटेका छन् । ओली निवास बालकोट पुगेर उनीहरूले ओलीसँग भेट गरेका हुन् । भेटमा खड्का दम्पती छोरी ब्रीआनाको साथ पुगेका थिए ।
भेटका क्रममा ओलीले ब्रीआनालाई आशीर्वाद दिनुका साथै काखमा समेत लिएका थिए । ओलीसँगको भेटको तस्बिर स्वेताले सामाजिक सञ्जाल मार्फत सार्वजनिक गरेकी छन् ।
तस्बिरका साथ क्याप्सनमा उनी लेख्छिन् – ‘काम ठुलो हुन पर्दैन । जे गर्छौ प्रेम पूर्वक गर्दा । सदैव लक्ष्मीको बास हुन्छ । सम्माननीय पूर्व प्रधानमन्त्री केपी बुबा हजुरसँग पहिलो भेट ब्रीआना का । आशीर्वाद लिँदै ।’
केही समय पहिले नेपाली कांग्रेसमा प्रवेश गरेकी स्वेताले अहिले ओलीलाई भेट्नु उनी एमाले प्रवेश गर्न लागेको हो कि भन्नेसमेत आशंका पैदा भएको छ ।
