काठमाडौं । फाइनल खेलमा मलेसियालाई हराउदै नेपालले एसीसी यु–१६ इस्ट जोन कप क्रिकेटको उपाधि जितेको छ । मलेसियालाई दुई सय २१ रनको फराकिलो अन्तरले हराउदै नेपालले उपाधि हात पारेको हो ।
नेपालले दिएको २५३ रनको बिशाल लक्ष्य पछ्याएको मलेसियाले १४.५ ओभरमा अलआउट हुदै ३१ रनमा स्तब्ध हुन पुग्यो । मलेसियाका मोहम्मद अक्रमले सबैभन्दा बढि १० रन बनाए । मलेसियाका बाँकि अन्य कुनैपनि ब्याटरले नेपाली बलरको सामु दोहोरो अंकमा रन बनाउन सकेनन् ।
नेपालको जितमा कप्तान अभिषेक तिवारीले ६ ओभरमा १ मेडनसहित ७ रन खर्चेर ५ विकेट लिए । सन्तोष यादवले ३ ओभरमा ९ रन खर्चेर ३ विकेट लिए भने सागर गैरेले ५ ओभरमा १३ रन खचेर १ विकेट लिए ।
यसअघि बायोमास ओभल मैदानमा टस जितेर पहिला ब्याटिङ रोजेको नेपालले ३५ ओभरमा ८ विकेट गुमाएर २५२ रन बनाएको थियो ।
नेपालका लागि नरेन भट्टले २ छक्का र १० चौकाको मद्दतले ८९ बलमा अविजित ११२ रन बनाएका थिए भने नेपालका ओपनर निरज यादवले ४९ बलमा ६ चौकासहित ४७ रन बनाए।
नेपालका ओपनर सुर्यांशु कोइरालाले १८ रन बनाए का थिए भने सन्तोष यादवले २६ र अशोक धामीले ११ रनको योगदान गरेका दिएका थिए ।
मलेसियाका लागि मुहम्मद अक्रमले सवैभन्दा बढी ३ विकेट लिए।
