काठमाडौँ । संघीय संसद् सचिवालयले संघीय संसद्का सदस्यहरुलाई आर्थिक वर्ष २०७९/०८० को सम्पत्ति विवरण बुझाउन सूचित गरेको छ ।
सचिवालयले एक अत्यन्त जरुरी सूचना निकाल्दै भ्रष्टाचार निवारण ऐन, २०५९ को दफा ५० को उपदफा (१) तथा अख्तियार दुरुपयोग अनुसन्धान आयोग ऐन, २०४८ का दफा ३१ को उपदफा ९१० बमोजिम संघीय संसद्का सदस्यहरुलाई भोलि (साउन १ गते) देखि आगामी भदौ २८ गतेसम्म सम्पत्ति विवरण बुझाउन निर्देशानुसार अनुरोध गरेको छ ।
आर्थिक वर्ष २०७९/०८० का लागि आफ्नो वा आफ्नो परिवारको नाममा रहेको सम्पत्तिको स्रतो वा निस्सासहितको अद्यावधिक सम्पत्ति विवरण भरी सिलबन्दी खाममा संघीय संसद् सचिवालयको सांसद सुविधा व्यवस्थापन शाखामा दर्ता गराउन सचिवालयले सांसदहरुलाई अनुरोध गरेको छ ।
