रुपन्देही । लुम्बिनी प्रदेश सरकारका पूर्व कृषि मन्त्री तथा नेकपा एमाले नेता विजय यादव पक्राउ परेका छन् ।
आइतबार जिल्ला प्रहरी कार्यालय बाँकेबाट खटिएको टोलीले यादवलाई बैङ्किङ कसुर मुद्दामा पक्राउ गरेको हो ।
रुपन्देही जिल्ला अदालतले बैङ्किङ कसुर मुद्दामा यादवको नाममा पक्राउ पुर्जी जारी गरेपछि उनी डुडुवा गाउँपालिका–१ होलियाबाट पक्राउ परेका हुन् । उनलाई अहिले जिल्ला अदालत रुपन्देहीमा बुझाइएको छ ।
उनले बैंकिङ कसुर अन्तर्गत रुपन्देही प्रहरीको पुर्जीका आधारमा यादवलाई पक्राउ गरिएको र मुद्दाको बिस्तृत विवरण आफूलाई पनि थाहा नभएको उनले बताए ।
उनले गत माघ १० गते रुपन्देहीको सियारी गाउँपालिका(१ का उमाशंकर यादवलाई १२ लाख २८ हजार रुपैयाँको चेक दिएका थिए ।उक्त चेक लिएर रकम निकाल्न जाँदा खातामा रकम नभएको पाइएपछि यादवविरुद्ध बैंकिङ कसुरको मुद्दा परेको थियो ।
२०७४ सालको निर्वाचनमा उनी जसपाबाट बाँकेको क्षेत्र नम्बर २ (१) बाट निर्वाचित भएका थिए । त्यसपछि गत निर्वाचनमा नेकपा एमालेमा प्रवेश गरेका थिए ।
