काठमाडौँ । व्यवसायी दीपक मल्होत्राले मंगलबार त्रिभुवन विमास्थलबाट बरामद भएको सुन आफूले नल्याएको बताउनुभएको छ ।
काठमाडौँमा बिहीबार दिउँसो पत्रकार सम्मेलन गर्दै उहाँले बरामद भएको सुनमा आफ्नो कुनै सम्बन्ध नरहेको स्पष्ट गर्नुभयो । मंगलबार बरामद भएको झन्डै एक क्विन्टल सुन व्यवसायी मल्होत्राको भएको समाचार आएको थियो।
उक्त समाचारमा उक्त समाचारमा आफ्नो तस्बिर राखिएको र यसबारे आफूलाई सम्पर्क पनि नगरेको उहाँको भनाइ छ ।
उहाँले उक्त समाचारप्रति आफ्नो आपत्ति रहेको र त्यसको खण्डन पठाउने उल्लेख गर्दै भन्नुभयो, “खण्डन नछापे म त्यो सञ्चारमाध्यमविरूद्ध कानुनी उपचारमा जान्छु ।”
आफू कुनै अवैध धन्दामा संलग्न नरहेको र त्यसबारे सोच्दा पनि नसोचेको उहाँको भनाइ थियो । उहाँले भन्नुभयो, “मेरो संलग्नता पुष्टि भए म सबै कानुनी सजाय भोग्न तयार छु ।”
