चितवन । चितवनको मुग्लिङ – नारायणगढ सडकखण्डमा पहिरो खस्दा राजमार्ग पूर्ण अवरुद्ध भएको छ ।
आज बिहान ७ बजे इच्छाकामना गाउँपालिका–४ स्थित कालिखोलामा पहिरो खस्दा सडक पूर्ण रुपमा बन्द रहेको जिल्ला ट्राफिक प्रहरी कार्यालय चितवनले जानकारी दिएको छ ।
अवरुद्ध सडक खुलाउने प्रयास जारी रहेको डिभिजन सडक कार्यालय भरतपुरले जानकारी दिएको छ । पानी परिराखेकाले पहिरो पन्छाउन कठिन भएकोले केहि समय लाग्न सक्ने कार्यालयले जनाएको छ ।
