काठमाडौँ । नेकपा (एमाले) का अध्यक्ष केपी शर्मा ओलीसँग नेपाल भ्रमणमा रहेका चिनियाँ कम्युनिष्ट पार्टीका नेता युआन च्याचिनले भेटवार्ता गर्नुभएको छ ।
आज बिहान च्यासलस्थित पार्टी केन्द्रीय कार्यालयमा चिनियाँ कम्युनिष्ट पार्टी सीपीसीका पोलिटब्युरो सदस्य युआनले ओलीसँग भेटवार्ता गर्नुभएको हो ।
भेटमा द्विपक्षीय हितका विविध विषयमा छलफल भएको बताइएको छ ।
यही साउन ७ गते चिनियाँ कम्युनिष्ट पार्टीका नेता युआन काठमाडौँ आउनुभएको हो । उहाँले इटाली भ्रमणमा रहनुभएका रहेका प्रधानमन्त्री पुष्पकमल दाहाल प्रचण्डसँग भर्चुअल सम्वाद गर्नुभएको थियो ।
तीन दिने भ्रमणका क्रममा युआनले आइतबार राष्ट्रपति रामचन्द्र पौडेल, कार्यवाहक प्रधानमन्त्री पूर्णबहादुर खड्कालगायतसँग भेटवार्ता गर्नुभएको थियो ।
