काठमाडौँ । ललिता निवास जग्गा प्रकरण पक्राउ परेका दुईजनालाई हाजिर जमानीमा छोडिएको छ ।
समरजंग कम्पनीका तत्कालीन प्रमुख रमेशकुमार पोखरेल र सिद्धिका खेतानलाई बुधबार हाजिर जमानीमा छाडिएको केन्द्रीय अनुसन्धान ब्युरो (सिआइबी)का एसएसपी दिनेशकुमार आचार्यले जानकारी दिए।
पोखरेलको स्वास्थ्य अवस्था ठीक नभएकाले र सरकारी जग्गा हडप्ने प्रक्रियामा खेतानको भूमिका नदेखिएको भन्दै सिआइबीले उनीहरुलाई छाडेको हो ।
खेतानको नाममा झन्डै ८ आना जग्गा रहेको छ। उक्त जग्गा फिर्ता गर्न तयार भएपछि उनलाई छाडिएको एसएसपी आचार्यले बताए।
दुई जना छुटेसँगै अब सिआइबीको हिरासतमा भाटभटेनी सुपरमार्केटका सञ्चालक मीनबहादुर गुरूङ, निर्वाचन आयोगका पूर्वआयुक्त सुधीरकुमार शाहसहित २० जना प्रतिबादि रहेकाछन्।
ललिता निवासको १४३ रोपनी जग्गा विभिन्न चरणमा व्यक्तिको नाममा नामसारि गरी सरकारी जग्गा हडपेको पाइएपछि प्रहरीले पुन: अनुसन्धान गरी उनीहरूलाई पक्राउ गरेको हो।
