काठमाडौँ । प्रहरीले सर्वोच्च अदालतका न्यायाधीश नहकुल सुवेदीका पिएसओ सई प्रभाकर खड्काको पेस्तोल चोरी गरेको आरोपमा दुई जनालाई पक्राउ गरेको छ ।
दुई व्यक्तिलाई पक्राउ गरी पेस्तोल र त्यसमा लाग्ने गोलीसमेत बरामद गरिएको जिल्ला प्रहरी परिसर काठमाडौँका एसपी कुमोद ढुंगेलले जानकारी दिए ।
पक्राउ पर्नेमा सिन्धुपाल्चोकका २१ वर्षीय बासुदेव थामी र सिन्धुलीका २७ वर्षीय मेगबहादुर तामाङ रहेका छन् । उनीहरूले कागेश्वरी मनोहरा नगरपालिका-१ गागलफेदीस्थित खड्काको घरबाट पेस्तोल चोरी गरेको आरोप छ ।
उनीहरुलाई प्रहरीले गत शुक्रबार नै पक्राउ गरेको थियो । प्रहरीले घटनाबारे थप अनुसन्धान गरिरहेको छ ।
