एजेन्सी । बहुप्रतिक्षित साउथ फिल्म ‘पुष्पा २’ को रिलिज मिति घोषणा भएको छ । २०२१ मा रिलिज पुष्पा द राइजले बक्स अफिसमा राम्रो कमाई गर्दै फ्यानहरु यसको भाग २ अर्थात् पुष्पा द रुलको प्रतिक्षामा थिए ।
यो फिल्मको दोस्रो भाग आगामी वर्ष २०२४ को अगस्ट १५ मा रिलिज हुने भएको छ । फिल्मका निर्माण टिमले एक पोस्टर सार्वजनिक गर्दै रिलिज मितिको घोषणा गरेका हुन् ।
सुकुमारको निर्देशन रहेको फिल्ममा अल्लु अर्जुन प्रमुख भूमिकामा रहेका छन् । यस्तै उनको अपोजिटमा रश्मिका मन्दाना छिन् भने फहाद फजिल पनि प्रमुख भूमिकामा रहेका छन् ।
