एजेन्सी । आईसीसी एकदिवसीय विश्वकप २०२३ को आधिकारिक थिम गीत आज सार्वजनिक भएको छ । गीतको नाम ‘दिल जश्न बोले’ राखिएको छ ।
गीतको कभरमा रणवीर सिंह देखिएका छन् । संगीत निर्देशक प्रीतम चक्रवर्तीले गीत कम्पोज गरेका छन् । विश्वकपको यो गीतलाई गायक प्रीतम, नकाश अजिज, श्रीराम चन्द्र, अमित मिश्रा, जोनिता गान्धी, आकासा, चरणले गाएका छन् ।
आईसीसीले १९ अगस्टमा एकदिवसीय विश्वकपको आधिकारिक मस्कट सार्वजनिक गरेको थियो । मस्कट महिला बलर र पुरुष ब्याट्सम्यानको थिममा डिजाइन गरिएको छ । पुरुषको मस्कट हातमा ब्याट लिएर देखाइएको छ भने महिला मस्कटलाई बल लिएको देखाइएको छ ।
आईसीसीले आफ्नो सोशल मिडिया ह्यान्डलमा मस्कटको भिडियो पनि शेयर गरेको छ, जसमा भारतका पूर्व कप्तान विराट कोहली र जसप्रित बुमराह देखिएका छन् ।
एकदिवसीय विश्वकप अक्टोबर ५ देखि १९ नोभेम्बरसम्म भारतमा आयोजना हुँदैछ । पहिलो खेल गत विश्वकपको फाइनलमा पुगेका इंग्ल्याण्ड र न्युजिल्याण्डबीच हुनेछ । भारतको पहिलो खेल अक्टोबर ८ मा चेन्नईमा अस्ट्रेलियासँग हुनेछ ।
