काठमाडौँ । नेपाली सुनचाँदी बजारमा आज साता कारोबारको पहिलो दिन आइतबार पनि सुनको मूल्य घटेको छ । मंगलबारदेखि घट्ने क्रममा रहेको सुनको मूल्य आज पाँचौ दिन आइतबार पनि घटेको हो ।
मंगलबार प्रतितोला चार सय रुपैयाँ, बुधबार आठ सय , बिहीबार एक हजार चार सय, शुक्रबार आठ सय रुपैयाँले घटेको सुन आज पनि प्रतितोला आठ सय रुपैयाँले घटेको छ । लगातार पाँच दिनमा सुनको मूल्य प्रतितोला चार हजार दुई सय सय रुपैयाँले घटेको छ।
आज छापावाल सुन प्रतितोला एक लाख आठ हजार दुई सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । शुक्रबार छापावाल सुन प्रतितोला एक लाख आठ हजार आठ सय रुपैयाँमा कारोबार भएको थियो ।
यस्तै, आईतबार तेजाबी सुन प्रतितोला एक लाख सात हजार पाँच सय रुपैयाँमा कारोबार भइरहेको छ। शुक्रबार तेजाबी सुन प्रतितोला एक लाख आठ हजार तीन सय ५० रुपैयाँमा कारोबार भएको थियो ।
त्यसैगरी, आइतबार चाँदीको मूल्य पनि घटेको छ। आज चाँदी ३५ रुपैँयाले घटी प्रतितोला १३ सय ६० रुपैयाँमा कारोबार भईरहेको महासंघले जनाएको छ ।
