काठमाडौं । नेपाली कांग्रेसका सहमहामन्त्री महेन्द्र यादवमाथि खुकुरी प्रहार गर्ने व्यक्तिलाई पुर्पक्षका लागि कारागार चलान गरिएको छ ।
यादवमाथि खुकुरी प्रहार गर्ने नुवाकोट जिल्ला बिदुर नगरपालिका -७ बस्ने ४७ वर्षीय श्यामबाबु सापकोटालाई ज्यान मार्ने उद्योगको अभियोगमा काठमाडौं जिल्ला अदालतले सोमबार कारागार चलान गर्ने आदेश सुनाएको हो ।
गत भदौ २० मा रिपोर्टस क्लबमा आयोजित कार्यक्रममा सहभागी भएर बाहिरिने क्रममा यादबमाथी खुकुरी प्रहार भएको थियो । आक्रमणकारी सापकोटा शाक्षात्कार कार्यक्रम श्रोताका रुपमा सहभागी भएका थिए । र, पछि कार्यक्रम स्थलबाट बाहिरिने क्रममा खुकुरी प्रहार गरेका थिए ।
