काठमाडौं । नेपाल, हङकङ र युएईबीचको त्रिकोणात्मक शृंखलाको उपाधिका लागि नेपालले यूएईलाई १६३ रनको लक्ष दिएको छ ।
त्रिवि क्रिकेट मैदान, कीर्तिपुरमा टस हारेर ब्याटिङको निम्तो पाएको नेपालले कुशल भुर्तेलको अर्ध शतकको मद्दतमा निर्धारित २० ओभरमा ८ विकेट गुमाएर १६२ रन बनायो ।
नेपालका लागि आसिफ सेखले ७, कुशल मल्लले १, रोहित पौडेलले १८, दीपेन्द्र सिंह ऐरीले २०, सन्दीप जोराले १०, गुल्सन झाले ५, सोमपाल कामीले १३ र करन केसीले २३ रन बनाएका थिए ।
युएईका लागि आयन अफजल खानले ३, अलि नासेर र जहूर खानले समान २,२ तथा जुनेद सिद्धिकीले १ विकेट लिएका थिए ।
अहिले युएईले ब्याटिङ सुरु गरेको छ । पहिलो ओभरमै युएईले १५ रन जोडेको छ ।
