एजेन्सी । आईसीसी पुरुष विश्वकप २०२३ को २७औं खेलमा अष्ट्रेलियाविरुद्ध न्युजिल्यान्डले टस जितेको छ । धर्मशालाको हिमाचल प्रदेश क्रिकेट एसोसिएसन स्टेडियममा भएको टस जितेर न्युजिल्यान्डका कप्तान टम लाथमले पहिला फिल्डिङ रोजेका छन् ।
अघिल्लो खेलमा अस्ट्रेलियाले नेदरल्यान्ड्सलाई ३०९ रनले पराजित गरेको थियो ।अर्कोतर्फ न्युजिल्याण्डले भारतसँग ४ विकेटले हार बेहोरेको थियो ।जारी विश्वकपमा खेलिएका ५ खेलमध्ये अष्ट्रेलियाले ३ खेल जितेर अंक तालिकाको चौथो स्थानमा छ भने न्युजिल्यान्डले ४ खेल जितेर वरियतामा तेस्रो स्थानमा छ ।
हेड टु हेड
अस्ट्रेलिया र न्युजिल्याण्डले एकदिवसीयमा हालसम्म १ सय ४१ पटक आमनेसामने भएका छन्। अष्ट्रेलियाले ९५ खेल जितेको छ भने न्यूजिल्याण्डले ३९ खेल जितेको छ । ७ खेल भने नतिजाविहीन भएका छन् ।
अष्ट्रेलियाको प्लेइंग इलेवनः
डेभिड वार्नर, ट्राभिस हेड, मिचेल मार्स, स्टिभन स्मिथ, मार्नस लाबुस्चेन, जोस इंग्लिस (विकेटकिपर), ग्लेन म्याक्सवेल, प्याट कमिन्स (कप्तान), मिचेल स्टार्क, एडम जाम्पा, जोस हेजलवुड ।
न्युजिल्याण्डको प्लेइंग इलेवनः
डेभन कोनवे, विल यंग, रचिन रविन्द्र, डेरिल मिचेल, टम लाथम (कप्तान विकेटकिपर), ग्लेन फिलिप्स, जेम्स निशम, मिचेल सान्टनर, म्याट हेनरी, लोकी फर्गुसन, ट्रेन्ट बोल्ट ।
