काठमाडौं । टी–२० विश्वकप क्वालिफायरको समूह चरणको अन्तिम खेलमा ओमानले नेपाललाई जितका लागि १४६ रनको लक्ष्य दिएको छ ।
टियु क्रिकेट मैदानमा टस हारेर पहिला ब्याटिङको निम्तो पाएको ओमानले निर्धारित २० ओभरमा ९ विकेट गुमाउँदै १ सय ४५ रन बनायो ।
ओमानका जिशान मकसुद सर्वाधिक ३२ रन बनाए । यस्तै, नसिम खुसीले २५ र आयन खानले १८ रन बनाउदा सकिल अहमद २२ रनमा नट आउट रहे । ओमानका अन्य ब्याटरले राम्रो प्रदर्शन गर्न सकेनन् ।
नेपालका लागि करण केसीले सर्वाधिक ३ विकेट लिए । सोमपाल कामीले ४ ओभरमा १६ रन खर्चेर २ विकेट लिए । यससँगै सोमपालले टि२० आईमा ५० औं विकेट पूरा गरेका छन् । यस्तै, सन्दीप लामिछानेले २ विकेट र गुलशन झाले १ विकेट लिए ।
नेपालले केहिबेरमा जवाफि ब्याटिङ गर्नेछ ।
