काठमाडौँ । काठमाडौँबाट नक्कली नेपाली नोटसहित दुई जना महिला पक्राउ परेका छन् ।
पक्राउ पर्नेहरूमा सिन्धुपालचोक जलविरे घर भई हाल शंखरापुर नगरपालिका-७ बस्ने सिर्जना थापा र ओखलढुंगा घर भई बुढानीलकण्ठ नगरपालिका-१२ कपन बस्ने मैया कुमारी घिमिरे रहेका छन् ।
नक्कली नोटको कारोबार गर्ने गरेको भन्ने सूचनाको आधरमा प्रहरी प्रभाग साँखु र प्रहरी प्रभाग कपनको प्रहरीले उनीहरुलाई पक्राउ गरेको हो । साथै, प्रहरीले सिर्जनाको साथबाट १ हजार दरको १ सय ४० थान र कुमारीको साथबाट १ हजार दरको २१ थान नक्कली नोट बरामद गरेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
