काठमाडौँ । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईले काठमाडौँ ललितपुर र भक्तपुरबासीलाई आफनो आन्दोलनमा सघाउन आग्रह गर्नुभएको छ ।
शनिवार सिफलमा आयोजित प्रदशर्नमा बोल्दै प्रसाईले काठमाडौँ, ललितपुर र भक्तपुरबासी कहिले घरबाट बाहिर निस्केर आन्दोलनमा सघाउन आउँछन् भन्दै प्रश्न पनि गर्नुभयो ।उहाँले स्वाभिमानको लडाइँमा समयमै सहभागी हुन र साथ दिन सबैमा अनुरोध समेत गर्नुभयो
उहाँले युवाहरु विदेसिएको र देशमा बस्न सक्ने अवस्था नरहेको भन्दै काठमाडौँ खाली हुने जिकिर गर्नुभयो ।
‘म जति बाँच्छु तपाईंहरुको हितमा काम गर्छु । साथ दिन तपाईंहरु बाहिर निस्कनु भएन भने काठमाडौँमा स्याल रुन्छ । यहाँ मान्छे हुने छैन’, उहाँले भन्नुभयो ।
