एजेन्सी । इन्डियन प्रिमियर लिग (आईपीएल) २०२४ को लिलामीको मिति र स्थान आधिकारिक रूपमा घोषणा गरिएको छ । यो जानकारी इन्डियन प्रिमियर लिगको एक्स (पहिले ट्विटर) खातामा दिइएको थियो । पहिलो पटक आईपीएलको लिलामी भारत बाहिर हुने भएको छ । आईपीएलको लिलामी डिसेम्बर १९ मा दुबईमा हुनेछ ।
खेलाडीको बिडिङ डिसेम्बर १९ मा हुनेछ भने यो पहिलो पटक विदेशमा आयोजना हुन लागेको हो । यस दिन कुल ११६६ खेलाडीहरू आईपीएलमा हिस्सा बन्नका लागि सामेल हुनेछन । जसमा ९०९ अनक्याप खेलाडीहरू छन्, जसमध्ये ८१२ भारतीय छन् ।
१० फ्रेन्चाइजीहरु सहभागी हुने आर्इपीएल २०२४ मा ७७ वटा स्लट भर्नुपर्नेछ । जसमध्ये कुल ३० स्थान विदेशी खेलाडीका लागि हुन सक्छन् ।
प्रत्येक फ्रान्चाइजीसँग कति पैसा छ ?
१. लखनऊ सुपर जायन्ट्स – १३.१५ करोड रुपैयाँ
२. राजस्थान रोयल्स – १४.५ करोड रुपैयाँ
३. मुम्बई इन्डियन्स – १५.२५ करोड रुपैयाँ
४. गुजरात टाइटन्स – १३.८५ करोड रुपैयाँ
५. दिल्ली क्यापिटल्स – २८.९५ करोड रुपैयाँ
६. पञ्जाव किंग्स – २९.१ करोड रुपैयाँ
७. चेन्नई सुपर किंग्स – ३१.४ करोड रुपैयाँ
८. कोलकाता नाइट राइडर्स – ३२.७ करोड रुपैयाँ
९. सनराइजर्स हैदरावाद – ३२.७ करोड रुपैयाँ
१०. रोयल च्यालेन्जर्स बैंगलोर – ४०.७५ करोड रुपैयाँ
