महोत्तरी । महोत्तरीको भङ्गाहा नगरपालिका–८ धर्मपुरबाट हराइरहेका सात बालिका र किशोरी भारतको सितामढीबाट उद्धार गरिएको छ ।
मङ्गलबार दिउँसो घाँस काट्न गएको र सम्पर्क बाहिर रहेका १० देखि १८ वर्षसम्मका सात बालिका र किशोरी भारतको सीतामढीमा रहेको सुचना आधारमा नेपाल प्रहरीले उद्धार गरेको हो ।
उद्धार गरिएकाहरुमा धर्मपुरका १० वर्षीयाद्वय रञ्जना पासवान र सीमा पासवान, १३ वर्षीया ज्योति पासवान, १५ वर्षीयाद्वय रिया पासवान र रचना पासवान एवं १८ वर्षीयाद्वय नगिना पासवान र अस्मिता पासवान रहेका छन् ।
