काठमाडौं । हत्या अभियोगमा डिल्लीबजार कारागारमा रहनुभएका सांसद रेशमलाल चौधरीसंग नेकपा एमालेका नेता तथा सांसद महेश बस्नेतले भेट गर्नुभएको छ ।
सुरक्षाकर्मी सहित नौ जनाको ज्यान गएको घटनमा दोषी ठहर भई जन्मकैदको सजाय भोगिरहेका चौधरीसंग राजनीतिक छलफलका लागि बस्नेत कारागार पुग्नु भएको हो ।
जनता समाजबादी पार्टी (जसपा) का तर्फबाट कैलाली क्षेत्र नम्बर १ बाट निर्वाचित सांसद चौधरीको रिहाईको विषयलाई प्रमुख मुद्दा बनाएपछि प्रधानमन्त्रीका बिश्वासपात्र बस्नेतले चौधरीसंग भेट गर्नुभएको हो ।
बिहिबार मात्र गृहमन्त्री रामबहादुर थापाले पनि चौधरीको रिहाईको लागि सरकार सकारात्मक भएको सन्देश दिनुभएको थियो ।
