काठमाडौँ । काठमाडौंसहित देशभरका विभिन्न स्थानमा मकर सक्रान्ति (माघी) पर्व मनाइएको छ ।
आज माघे संक्रान्तिको दिन काठमाडौंको टुँडिखेलमा मगर र थारु समुदायले माघी विशेष मेला आयोजना गरी माघी पर्व मनाएका हुन् । सो अवसरमा वसन्तपुरबाट झाँकीसहित टुँडिखेलसम्म र्याली समेत गरिएको हो ।
मेलामा माघी पर्वमा पाक्ने परिकार र थारू पहिरनले झकिझकाउ बनाएको थियो । मेलामा ढिक्री, घोंगी, माछा र गँगटाजस्ता परिकारहरु राखिएको छ । माघीको अवसरमा नाचिने माघी, छोक्रा, हुर्दुग्वा, लठहवालगायतका नाँच थारु समुदायमा प्रश्तुत गर्ने गरिन्छ ।
