काठमाडौं । प्रहरीले अमेरिकी डलरको अनलाइनमार्फत अवैधरुपमा कारोबार गरेको कसुरमा एक युवकलाई पक्राउ गरेको छ ।
क्रिप्टो करेन्सी कारोबारमा सङ्लग्न ३२ वर्षका डम्बबहादुर शाहलाई इलामबाट पक्राउ गरिएको उपत्यका अपराध अनुसन्धान कार्यालयले जनाएको छ ।
उनले क्यास एपमार्फत २ वर्षमा १ अर्ब ४९ करोडको कारोबार गरेका छन् । उनीमाथि थप अनुसन्धान भईरहेको कार्यालयका प्रमुख एसएसपी सोमेन्द्रसिंह राठौरले बताए ।
