काठमाडौँ । क्यानडाविरुद्धको तीन खेलको एकदिवसीय सिरिज अन्तर्गत नेपालले आज दोस्रो खेल खेल्दैछ ।
नेपाल र क्यानडाबीचको खेल त्रिवि क्रिकेट मैदानमा बिहान ९ः१५ बजे सुरु हुनेछ । नेपाललाई आजको खेल जितेर सिरिज जित्ने अवसर छ भने अर्कोतर्फ क्यानडालाई आजको खेल जितेर बराबरी गर्ने मौका छ ।
यसअघि बिहिबार भएको पहिलो खेलमा नेपाल सात रनले विजयी भएको थियो । सन् २०१८ मा पहिलो पटक एकदिवसीय मान्यता पाएपछि नेपालले क्याडनासँग पहिलो पटक एकदिवसीय औपचारिक खेल खेल्न लागेको हो । साथै, आइसिसी विश्वकप लिग–२ को तयारी स्वरुप नेपालले क्यानडासँग खेल्न लागेको हो ।
क्यानडाले पनि मार्चदेखि संयुक्त अरब इमिरेट्स (युएई)मा आइसिसी क्रिकेट विश्वकप लिग–२ को सुरुवात गर्दैछ । त्यसका लागि क्यानडा नेपाल आएको हो ।
दुई टोलीबीचको तेस्रो तथा अन्तिम खेल आगामी सोमबार हुनेछ ।
